ayun nga.
bilang pagdiriwang ng ikalawang taon ko sa datkom, pinupwersa ko kayong lahat na sumali sa blog contest ko kung saan magkakaroon kayo ng pagkakataon na makita ako sa personal, mailibre ko kayo ng tanghalian, sine, arcade at pamasahe pauwi at higit sa lahat ay manalo ng exclusive shirt mula sa datkom. teka, sandali. nagbibiro lang ako dun sa parteng makikita ninyo ako sa personal at lalo na dun sa ililibre ko kayo ng tanghalian, sine, arcade at pamasahe dahil hindi ko kayo syota pero kung halimbawang gustong gusto niyo talaga, mapagbibigyan ko naman kayo dahil mabait ako.
merong tatanghaling apat na panalo: dalawang para sa raffle at dalawa para sa photo contest.
PARAAN SA PAGSALI:
1. dapat meron kang sariling blog dahil hindi mo pwede ilagay ang lahat ng ito sa batok mo. oo, batukan mo mukha mo.
2. litratuhan ang sarili gamit ang kahit anong klase ng camera. kung may kakayanan yung plantsa niyo na kunan ka ng litrato, bakit hindi? basta siguraduhin lang na makikita ang logo na ito o logo na ito sa nasabing litrato. hindi mahalaga kung anonymous blogger ka at ayaw mo ipakita ang mukha mo. walang kaso sa akin yun. wala akong pakealam sa mukha mo pero sa katawan mo? baka meron pa. ang importante nakikita ang alin man sa mga logo para malaman na meron ka talagang intensiyong sumali.
3. sa sarili mong blog, gumawa ka ng orihinal na blog entry kalakip ang mga sumusunod:
-pamagat ng entry na Chiksilog Blog Contest
-maikling talata na naglalaman ng pambobola ninyo sa akin
-post processed picture ninyo na may datkom logo
-link pabalik sa http://chiksilog.com at chiksilog blog contest
4 bumalik dito sa entry na ito, at magkomento. iwan ang email address at link ng post na ilalahok ninyo para sa kontes para matumbasan iyon ng raffle number.
5. huli, antayin ang komento ko sa mismong entry na ipapasa ninyo na naglalaman ng confirmation number na magsisilbing numero ninyo para sa pa-raffle because im techie like that.
matatapos ang pakontes sa march 31, ganap na alas dose impunto ng tanghali at ang mga mananalo ay tatanghalin sa april 7 sa parehong oras.
FREQUENTLY ASKED QUESTION
paano kung wala akong blog?
hindi ko na problema yun! wag kang tamad, gumawa ka. sa totoo lang ang daming platform ang pwede mong gamitin. nariyan ang blogger, wordpress, tumblr, multiply, friendster, facebook, livejournal, i.ph at marami pang iba.
paano kung wala akong camera?
pwede ka namang manghiram. hindi kailangan na mamahalin ang camerang gagamitin mo dahil makukuntento na ako kahit sa webcam lang basta katulad ng sabi ko kanina pa kailangan nakikita ang logo ng datkom sa nasabing litrato
saan ako makakakuha ng logo ng datkom?
bawal gamitan ng photoshop, tipong naka paste yung image. sisikuhin ko talaga yung mga nguso niyo kapag ginawa niyo yan. maaari mong ipaprint ang alin man sa mga ito:
http://chiksilog.com/wp-content/uploads/2010/03/emblem-5.jpg
http://chiksilog.com/wp-content/uploads/2010/03/logo2.jpg
ilan ang entry na maaaring ipasa para sa contest?
isang entry per blog ang pwede. mas marami kang blog mas marami kang tsansang manalo sa raffle at photo contest.
hanggang kailan ang contest?
magsasara ang comments section sa march 31, 2010 alas dose impunto ng tanghali, oras sa relo ng opisina ko. ang mga mananalo sa contest ay iaanunsyo sa april 7, sa bertdey ko para masaya.
paano malalaman ang mananalo sa photo contest at raffle?
merong third party na huhusga ng mananalo para sa photo contest. maaaring si vEx o yung nanay ko. depende kung sino ang tao dito sa bahay. para sa raffle naman, ito ay magiging electronic raffle para walang dayaan at patas ang laban.
paano ipapaalam kung sino ang mananalo?
kailangan ninyong iwan ang link ng blog entry (hindi ang url ng blog) at personal na email address sa form oras na magkomento kayo.
ilan ang maaaring mananalo?
merong 4 na tao ang mananalo–dalawa para sa pinakamagandang litrato na maipapasa at dalawa para sa mabubunot sa raffle.
anong sizes ng shirt ang meron?
wag mong problemahin yan dahil meron ako ng lahat ng maiisip mong sizes.
anong kulay ng shirt ang meron?
sa kasawiang palad, available lang siya sa color black dahil emo ako at maganda lang talagang tignan ang shirt design sa kulay itim na background.
paano makukuha ang premyo?
depende sa iyo yan. halimbawang nasa mga lugar ka na alam ko namang puntahan, personal ko na mismong ibibigay sa iyo ang premyo mo. kung ayaw mo makita yung mukha ko at kung nasa probinsiya ka, maaari mo na lang ibigay ang address ng iyong tirahan para ako na lang ang magpapadala sa iyo sa pamamagitan ng mga shipping companies, siyempre nakacharge sa akin ang bayad.
PARA SA SUBMISSION NG BLOG ENTRY, ICLICK ANG LINK NA ITO
sa inyo na lahat ng goodluck ko, cheers!
