team xG

Sangkablogosperyuhan, xGMonologues

Alam ko hindi kayo nagpunta dito para makitsismis. Nandito kayo para kamustahin ako sa kung paano ko pinagdadaanan ang lahat ng ito.

Ang gulo gulo na ng blogosphere–parang perya. Napakalaki na talaga ng kinaibahan ng mukha ng intarwebs noong nagsisimula pa lamang ako at sariwang sariwa pa ang mga ideya ko sa kung ano ang merong katarantaduhan ngayon.

Sa gitna ng kaingayan na ginagawa ng lahat para mapansin ang gusto nilang mapatunayan, nakakatagpo pa rin ako ng kapayapaan sa piling ng mga kaibigan ko. Hindi nila nalilimutang tapikin ako sa likod para ipaalam sa akin na may nakaantabay silang suporta sa kung ano man ang magiging desisyon ko.

Walang tumapik sa likod ko nitong nakalipas na araw.

Kahit malamig na hangin sa batok ko, hindi ko naramdaman. Lumingon ako pero wala kong natanaw kundi anino ko lamang.

paano ako maghihilom kung ang mga taong inaasahan kong tutulong sa akin ay sugatan din?

Ngayon, binigyan nila ako ng napakagandang dahilan para umiyak. iyakin talaga ako, diba? Wala pala talaga sa likod ko iyang mga gagong yan dahil nasa harapan ko sila. Ang mga taong ito ang mismo at buong tapang na nakikipaglaban at nagtatanggol para sa akin.

hindi ako naapektuhan. Ito marahil ang dahilan kung bakit wala ako ng kahit anong galos o sugat–matibay ang pundasyon ng pananggalang ko na sa hindi inaasahang pagkakataon ay naging pinakaepektibong sandata ko rin.

Kaya pala nawalan ng tao sa likuran ko ay para mapilitan akong umatras ng isang hakbang para maiging tingnan at lubos na maintindihan ang mga nangyayari.

Kung hindi sapat na dahilan iyan para magpatuloy ako sa paglalathala siguro naman sobrang rason na ito para magpasalamat ako sa mga taong ito na hindi lalagpas ang bilang sa mga daliri ng isang kamay. Sila lang naman talaga ang pinakikinggan ko. Magdadadakdak na yung ibang bloggers diyan, pero hindi ako makikinig sa kanila. Namumukod tangi ang boses ng mga kaibigan ko. Nangingibabaw ang kanilang tunay na intensyon sa alon ng kaguluhan.

Hindi kailangan ng magtotropa ng paliwanag dahil kusa kaming nagkakaintindihan.

Ngayon kung hindi mo maunawan at maintindihan, isa lang ibig sabihin niyan. Ikaw yung kabaliktaran ng kaibigan. Sos. Ano ba namang kokote yan. Kabaliktaran ng kaibigan hindi mo alam? Eh di gankaibi. Acheche.

Tangina, ang corny ko ‘tol.

alam niyo na iyon. thanks much. :)

12 Responses to “team xG”

  1. popoy
    November 13th, 2008 at 4:23 pm

    nakuha ko ang tema ng entring ito pero ayoko na lang ilahad baka mapahiya lang ko.lols

    naging busy ka na kasi siguro eksgi. dont cha wori nandyan pa rin naman sila. hindi ka naman nila yat iniiwan?nakikipagtaguan pong lang siguro. pero lalabas at lalabas din yan para sila naman ang mataya. :)

    alam mo na rin yata? ang konti lang ng nakakaalam nito. haha. sos. oo nga. isa yan sa mga dahilan, ang pagiging abala ko. naiwanan ko na tuloy ang blogging. tsk tsk. andiyan lang yang mga yan. siguro. yata. di ko alam.

    [Reply]



  2. vanny
    November 13th, 2008 at 10:40 pm

    ganyan din pakiramdam ko. minsan inaakala ko na wala akong kakampi. pero anjan lang pala sa paligid nag mga kaibigan ko. and we are very lucky to have a trust worthy friends.

    ingat lagi xg! =)

    maraming salamat miss sexy vanny.

    [Reply]



  3. FerBert
    November 13th, 2008 at 10:43 pm

    next year bagong imahe ako.. bagong personalidad.. gusto kong maexperience yung dati.. yung nagsisimula pa ako.. masaya ang blogosphere noon..

    matagal na nating pangarap yan. sabay nga tayo diba?

    [Reply]



  4. ayiene
    November 13th, 2008 at 11:04 pm

    ang tagal ko ng di nakadalaw.
    sorry kung di kita nakakamusta ate x.

    sana ayos na lahat.
    *super hugs*

    naiintindihan ko. busy ka. busy ako. walang problema sa akin. tulad nga ng sabi ko nagkakaintindihan ang mga magtotropa di na kailangan ng paliwanagan. maayos na ang lahat

    [Reply]



  5. repah
    November 14th, 2008 at 11:28 am

    kurak k xg.. angulo na ng blogosperyo.. grabe andami ng ngkalat na sandamakmak na blog .. kya hayun lagi na lng ako naliligaw..

    butti nga lagi akong naddapa dito kahit ppapaano.. ksi marami parin akong nagibiak dito.. hehehhe..

    salamat repah. sana di ka masalubsob ng tuluyan. haha

    [Reply]



  6. siangelnawalangpakpak
    November 14th, 2008 at 2:30 pm

    hang in there girl.

    kung ano man ang hinanakit mo sa buhay at sa mga tao, always remember:

    IT TOO SHALL PASS.

    Parang kidney stone lang yan.

    kidney stone? haha. sos. oo naman. lumipas na nga ng di ko namalayan e. haha. salamat

    [Reply]



  7. Jon Cabron
    November 14th, 2008 at 4:25 pm

    relaks, napakasayang pagmasdan ng isang digmaan na kung sino pa yung maraming balang pinakawalan, s’ya pa ‘yung uuwing talunan.
    hayaan mo lang sila, sa dakong huli wala pa rin ibang mas nakakakilala sa’yo kundi ‘yung mga kaibigan mong totoo.

    hindi ko nga alam na may digmaan pala na nagaganap. hahaha. sa totoo lang, andon ako sa gerbis abalang kumita ng pera. wala akong pakealam sa kung ano man ang angst ng mga ibang bloggers. basta ako nagbablog lang. nawawala ang kahalagahan ng isang digmaan kung yung mismong kaaway mo hindi gustong makipaglaban. sobrang totoo rin yang sinabi mo na mas naiintindihan ng tropa ko ang topak ko kesa sa iba. sila lang talaga ang pinakikinggan ko. wala ng iba.

    [Reply]



  8. badoodles
    November 14th, 2008 at 6:07 pm

    buzz. andito lang ako reserba mo.

    the buzz. the buzz. the buzz. hindi ko mapapatawad ang sarili ko oras na di ko mareplayan ang comment na ito. haha. natutuwa akong malaman na isa ka sa mga reserba ko pero ayos lang ako abaduds. ayaw ko kasi na may nadadamay na ibang tao sa pangalan ko. tsk tsk. pero natutuwa talaga ako na nandiyan ka kahit wala ka yatang kaalamalam sa tinutukoy ko. haha.

    [Reply]



  9. GYK
    November 14th, 2008 at 10:40 pm

    lagi ko yang nafee2l. parang wala akong kakampi. alone, parang ganun.

    dito lang ako ate, kahit madalang nalang ako nkkadalaw. nursing student eh. grrr.

    naiintindihan ko gyk. mga nars e ganyan talaga lalo na at gradweyting ka. oks lang

    [Reply]



  10. Layla
    November 15th, 2008 at 1:43 am

    kaya maswerte ka pa rin at nandyan sila para sayo. sana maging maayos na ang lahat.

    maraming salaamt. sa palagay ko naging maayos na ang lahat.

    [Reply]



  11. v
    November 15th, 2008 at 11:05 am

    eng? silencer. hehe. kailangan pa ba magusap? di na diba? alam mo na yun.

    di na. nagkakaintindihan na lang tayo sa kung ano ang dapat gawin. mental telepathetic

    [Reply]



  12. M
    November 21st, 2008 at 9:32 pm

    tsk tsk tsk.

    nagtatampo ako sa iyo. pft

    [Reply]



Leave a Reply