mabuti na lang tanga
-vEx
nagbibiro lang si vEx–yata. siguro. ewan ko. ako yung tipo ng tao na marunong tumanggap ng pangaalipusta at pangyuyurak ng pagkatao mula sa iba pero nung sinabi niya na tanga ako, tumagos yung masamang biro–through and through. one big ouch.
yung huling tingin ko sa talasalitaan as of 6:41 pm, hindi ang pagiging lampa ang direktang kahulugan ng salitang tanga. kilala ko si ako kaya alam ko na natatapilok talaga ako sa sarili kong mga paa, nakayapak man o may suot na takong. nakakalungkot na nasabihan ako ng ganun at ang masaklap pa–di ako pumalag. natapilok lang ako, tanga na? parang kasalanang orihinal na itinaas sa ikalawang baitang ang nagawa kong pagkakatapilok nung kasama ko ang kapatid ko. kahit maligo pa ako sa banal na tubig, hindi na ako maaaring mapatawad at kulang pa ang buhay ko bilang kabayaran sa pagkakasalang iyon.
may tumawag sa akin noon, kailangan ko daw magremedial exams. pamilyar ako sa katagang remedial pero hindi ko alam kung ano ang konsepto ng salitang iyon. pagkababa ko ng telepono, agad kong sinangguni si ginoong dictionary.com para sa kahulugan ng nasabing grupo ng mga letra.
ayun na nga, nanlumo na ako pagkatapos ko malaman ang kahulugan ng remedial. kung kailan ako tumanda, saka pa ako nagremedial exams. akala ko mga uhuging gradeschool students lang ang gumagawa nun. sila yung mga bata na bumabagsak sa simple aritmetik dahil di marunong mag subtract ng fractions. wala silang social life dahil tuwing uwian, kailangan nila pumasok sa mga remedial classes imbes na makipaglaro sa kapwa nila kabataan. akalain mo, isa pala akong uhuging gradeschool student na bilanggo sa loob ng isang bente uno anyos na katawan, na walang social life pero marunong magsubtract ng fractions.
magpapaliwanag ako.
kasabay ng kasagsagan sa kangaragan ng pagbubukas ng datkom na ito ang pagsusulit para sa subject na ibinagsak ko. masakit. aray ko, tinutusok ang puso ko sa tuwing naaalala ko na may nailagapak akong subject. inaamin ko naman na nagkamali ako sa aspeto ng buhay ko na ito dahil sa pagbibigay ko ng prayoridad sa datkom imbes na magaral at matulog ng maaga para sa paghahanda sa pagsusulit na nangangailan ng matabang utak.
nung una, hindi ko matanggap sa sarili ko na kailangan ko kunin ulit yung paksang ibinagsak ko. pers taym kong pumalpak sa eskwela. im so not like that you know? pakiramdam ko mangmang talaga ako, na tanga ako, pinakamatalino sa lahat ng bobo. ayun, hanggang ngayon hindi ko pa rin matanggap. unti unti siguro, huwag natin biglain. ayun ok na pala, tanggap ko na.
hindi ko alam kung bakit kailangan isulat sa libro ng buhay natin ang yugto kung saan kailangan ipakita ang mga eksena na mahina ang ating utak. kung pinagbabayad man ako ng tadhana para sa mga kasalanang nagawa ko nung nakaraang buhay ko, malamang amanos na kami ngayon. ayan na nga sinasabi ko, natutuyuan ako ng kokote dahil dapat talaga 8 baso ng tubig ang iniinom ko araw araw. pakiramdam ko may nakakabit sa likod ko na papel na nagsasabing ‘xienah tanga’ o kaya ‘xienah lampa’. ayos lang kasi meron naman sa noo kong nakasulat na ‘xienah ganda’–at yun ang mahalaga, hindi natin dapat kinakaawan ang ating sarili dahil ang totoo, parte ng pagkatao natin ang mga kahinaan. nakakainis lang dahil kapag nagiging tanga ako, ang daming nakakasaksi sa pangyayaring iyon.
naipasa ko na ang remedial exams, alam ko naman na matalinong bata ako at inaamin ko na nagkamali ako sa pagpili ng bagay na dapat bigyan ng pagpapahalaga. kailangan lang talaga mangyari ng mga ganitong klase ng karanasan na magtuturo sa atin na hindi masamang magkaroon ng kahinaan. isa pa nga pala, kahit kailan hindi naaapektuhan ng kagandahan ang katalinuhan at hindi pareho ang kahulugan ng tanga bobo at lampa. huwag ganun, judgemental kayo. higit sa lahat, ipasagasa natin sa karosa ng nazareno ang mga taong mapangutya–tulad ni vEx. kung hindi pa kayo masaya, pwede naman natin siyang paliguan at isaksak sa loob ng washing machine. ang bait pa nga natin kasi ilalagay pa nga natin siya sa dryer diba?
wala talagang tanga, kundi mga taong nagmamarunong lang.
29 Responses
Leave a Reply
July 17th, 2008 at 6:03 pm
walang tanga..yes!
pero may panget at yun ay yung bangungot nating si _h_b_! bwahahaha
sana may remedial class din ang love para maisalba pa ang relasyon..wala lang pakiramdam ko kase bumabagsak na ako sa pagiging boypren sa gelpren ko.. huhuhuhu
ay teka bat ba ako nag eemo dito sa comment box mo? bwahahaha
:D
[Reply]
July 17th, 2008 at 6:09 pm
oo wala ngang tanga. maepal lang talaga ang iba..
vote na ung mga hindi pa nagvovote.wehehe.
[Reply]
July 17th, 2008 at 7:35 pm
hmmm, may iba lang din po sigurong depenisyon sa bawat salita depende sa sitwasyon, hindi lan nagtugma ang sa inyo ni vEx.
at natulig ang tenga nyo nun oras na sinabi nya iyon.
hehe, obviously, gusto mo lan talagang palabasin na nagmamarunong sya. hehehe.=p
sabagay, kahit ako, hindi ako kumportableng masabihan ng tanga ng ibang tao, may taong PWEDE, pero karamihan, nakakairita pag sinabihan ako nun. lalo na kung NASA sitwasyon, yun minsan, lugmok ka na nga, gumawa pa ng rason para lalo kang malugmok…how mean. hehe
flyfly!
[Reply]
July 17th, 2008 at 7:39 pm
sus mag focus ka kasi he he
dami ko na ring naibagsak na subject, binalikan,incomplete noon… pero di ako tanga –busy lang. ha ha
[Reply]
July 17th, 2008 at 7:40 pm
“ok lang. dakila naman….
dakilang tanga.”
ahehehehe
ayan linya namin dati pag nasasabihan ng tanga ahahahaha
[Reply]
July 17th, 2008 at 7:44 pm
nagmamarunong nga siya. hindi naman makatarungang (wow) sabihan ka niya ng ganun dahil natapilok ka lang. tsktsk.
wala talagang taong tanga. wala naman kasing perpek na tao eh. *ano daw?*
[Reply]
July 17th, 2008 at 7:56 pm
hmm.. mahal ka nun ni vex.naglalambing lang un.wehehe.
ung hindi pa nagvote, pwedeng pwede pa magvote.
thanks!
[Reply]
July 17th, 2008 at 8:40 pm
marami talagang mga nagmamarunong sa mundo. :)
ang malungkot pa, dumadami sila.
[Reply]
July 17th, 2008 at 9:27 pm
anak ng tinapa shengsheng, di ka man lang dumaan sa 5 stages of grief. hehe. acceptance agad in 0.000000006 seconds. :P
ahahaha. guilty akooooooooo.
mapangalipusta ako eh. mwahahaha.
[Reply]
July 17th, 2008 at 9:47 pm
tanginang akismet yan. 4 na blogs na ang sinasabing spam ako ampotah! pakyu! wag mo kainin itong comment ko! hahahhahaa
anyways,
ang lalim yata nitong post mo na ito. o sadyang tanga lang ako? sabi ni doc na kaka comment pa lang eh, may kinalaman daw ito sa acceptance. parang meron nga yata. sus. sineryoso mo kasi. hay naku. hindi ako maka getover doon. para kasing wala lang. o siya hanap tayo ng lalasing sa iyo.
[Reply]
July 17th, 2008 at 9:52 pm
shet mukhang kinain na naman nga ng akismet. packers….
********************************
see my sexy pics!!!!!!!! visit http://redtube.com and have a fucking fun time!
see you there badboy!
********************************
[Reply]
July 17th, 2008 at 9:53 pm
omaygad.. ngayun lang ulit ako nakabisita dito, namiss ko tuloy ang empermera! yuhooo! :-) hahaha =)
nako sori gad, alipustera din ako minsan. haha :-)
[Reply]
July 17th, 2008 at 10:32 pm
hala. Ako bobo na, di pa marunong mag-subtract ng fractions. Kahiya-hiya naman hahahahaha XD
[Reply]
July 17th, 2008 at 11:11 pm
bkit pa kailangan matuto mag subtract ng fractions eh may calculator naman? anong silbi ng calculator kung iso-solve ko ang equations manually? mawawalan ng trabaho ang mga tao sa factory ng calculators. rawr. hahah!
makikigaya na rin ako at uulitin ang sinabi mong, walang tanga. marami lang nawawala sa sarili nilang isipan habang gumagawa ng ibang bagay kaya nagmu-mukhang tanga. i think i make sense.
dati naglalakad kami ng Tita ko, yung Tita ko nung panahon na yun matagal ng hindi nakakauwi ng pilipinas 70′s pa, tas biglang may ginawa yata ako na mali tas sinabihan ako ng, TANGE! HINDI GANYAN!, dahil di ako sanay makarinig ng salitang Tange, nagkaron tuloy ako ng mixed emotions… matatawa ba ko o matatakot? tumawa na lang ako. lalang, share ko lang.
have a sexy day. =)
[Reply]
July 18th, 2008 at 5:48 am
eh bakit kung sa pag ibig sabi nila maraming tanga? At nasabi mo na din yan minsan na tanga ka dahil sa pag ibig?ahe he he..
ako kung ako ang pinagsabihan yan. tyak guguhu ang pinagtatayuan ng sumabi ng ganyan saken at lalamunin siya ng empyerno…ganyan ako ka lakas sa mga lamang lupa..aha ha ha…
soulmate…….mabuti na yung utak na tatanga-tanga…madaling turuan..
pero pano na yung tangang puso?
potah, ang emo ko….magpapahangin nalang muna ako sa terrace..
gamit ang lubid na tinali sa leeg ko..
be back on 15 minutes.lols
[Reply]
July 18th, 2008 at 9:04 am
depende un sa kung paano sinabi ang salitang tanga..meron kasi biro lang talaga,pero kung masyado sensitive ang pinagsasabihan (gaya ko minsan) eh ouch talaga un.
lambingang magkapatid lang yan.hehe.
[Reply]
July 18th, 2008 at 10:53 am
maganda ka. hindi ka tanga. sos, panay nga ang bida ko sa’yo eh. bilib nga ako sa utak mo. iba ka mag-isip.
:D
[Reply]
July 18th, 2008 at 12:07 pm
una sa lahat, cno si vex? yan b ung nilalagay sa dibdib pra guminhawa ang pakiramdam? ngeee, ang TV na! pfft, korni.
being tanga is in the eye of the beholder. sa isang beholder na nagmamarunong, wahaha. guilty rin ako jan, kc mahilig ako magsabi ng “ang tanga mo nman” pro i don’t mean that, pwamis.
[Reply]
July 18th, 2008 at 2:39 pm
bakit kailangang may capital E talaga ang vEx?
[Reply]
July 18th, 2008 at 2:59 pm
ok lng nman masabihan ng tanga ah..kc expression lng nman ‘yun eh..aq kc expression q lng ‘yung pagsabi ng tanga heheh…
p.s..natural lng n maging tanga paminsan minsan sa life..kc kung walng katangahan ang tao..Boring ang life dba?’yun
[Reply]
July 18th, 2008 at 3:52 pm
nakuu…
hangsakit nga nun..
pag nasabihan kang tanga..
pero if ever may magsabi sa akin ng tatanga tanga ako.. may maidadahilan na ako…
“wala talagang tanga, kundi mga taong nagmamarunong lang.”
sabi ni xienah :)
[Reply]
July 18th, 2008 at 6:14 pm
naku, baka medyo gutom ka po nun. kaya ka po natapilok. visual at motor coordination lang yan ng katawan.
kumain po kayo nang mabuti.:D
[Reply]
July 18th, 2008 at 10:50 pm
Galing mo tlga XG,.. binibigyan mo ng katarungan ang mga tangang tulad ko.. Ehem, wala nga plang tanga, mga nagmamarunong lang. :)
[Reply]
July 20th, 2008 at 6:23 pm
buti na lang di ako namamarunong. :D
[Reply]
July 20th, 2008 at 9:27 pm
xG xG xG :D
hahaha..
hambilis mong nagcomment ha…
hahaha..
oysst! sinong hindi pa nakakaboto sa lafftrip ni ser badoodles dyan??!
bomoto na!
[Reply]
July 21st, 2008 at 11:45 am
naku hindi ka tanga. sa ganda mong yan. tsk tsk. beauty and brains ika nga
[Reply]
July 21st, 2008 at 5:03 pm
ano ba mas mahirap?
bobong naging tanga? o tangang naging bobo?
[Reply]
July 22nd, 2008 at 7:37 pm
Wala ngang tanga! Paminsan meron lang talagang pagkakataon na nagiiba ang takbo ng isip natin kaya’t nakakagawa tayo ng tangang bagay. Katulad nyan, gusto ko lang naman mag hi sayo eh kung ano ano pang katangahan sinasabi ko. SO yun. Hi :) Just to let you know I voted for you sa laffapalooza :D and I will be stalking you til I dont know, probably pagtumigil ka na magsulat. sana manalo ka! cheers! :)
[Reply]
July 23rd, 2008 at 2:02 pm
siguro nga hindi maganda yung pagkakasabi. or wala ka sa mood makipagbiruan nung mga oras na yun kaya dinamdam mo maigi ang pagkapahiya..hehe! kapatid mo yang si vex? akala ko tuloy si vera…
naalala ko rin yung katangahan ko nung college sa basic financial acctg. taena! perfect attendance binagsak pa! tapos nung nag summer class ako ang laging highest sa mga exams…how kupal profs can be kapag di ka nila type…tsk tsk.
[Reply]