Friday

ano na namang kabaklaan yan?

magaling ka magpayo lalo na pagdating sa buhay pagibig at dahil dun hinahangaan kita. teka siya nga pala, alam mo yung palagi mong ibinibigay na aral sa mga taong nagkakaroon ng problema sa puso? naalala mo ba yun? huwag umasa para hindi masaktan. uulitin ko baka kako nagbibingi bingihan ka lang. HUWAG UMASA PARA HINDI MASAKTAN. ano nangyari? makapal ba ang luga mo sa tenga para di mo marinig ang sarili mo? sabi ko naman sa iyo dalawang beses sa isang linggo ka maghinuli.

nakakarma ka na siguro. ito na nga yata ang pinakamasakit na sampal ng tadhana sa iyo dahil sa mga kamalditahan na ginagawa mo sa kapwa mo. gaga ka kasi. di ka naman ganyan dati diba? matigas ka. maangas. bato ang puso mo. kinatatakutan ka ng lahat. sino magaakala na maiisahan ka ng huling taong iniisip mo na mananakit sa iyo?

tunay nga talagang ang taong pinakamalapit sa atin ang siyang higit na makakapanakit ng ating damdamin. nahulaan mo na ito sa simula pa lang–na hindi kayo bagay, na wala kayong kahit isang simpleng tsansa na magkakatuluyan. adik ka lang talaga para bigyan mo ng pagkakataon ang katangahan na iyon at isipin na posible nga talaga kayo. ayan kasi, epekto iyan ng kakapanood mo ng telebisyon. wow kala mo kung sino kang bida ng koreanobela. nagpabuyo ka kasi sa sabi sabi, sa mga maling bulong bulungan na ang tanging basehan ay kasinungalingan.

wala naman siyang sinabi na gusto ka niya at wala rin siyang inamin na totoo ang nararamdaman niya para sa iyo sa ilang milyong beses na binanggit niya ang mga salitang ‘mahal kita’. nasayang lang ang pagmamahal na inilaan mo para sa kanya. hindi niya nasuklian ng higit pa ang kaya mong ialay. ano ang dahilan at ipinagpatuloy mo pa yung kabobohan mo? ayun. ngayon alam ko na–tinamaan ka ng lintek.

kala mo kung sinong matapang, tapang tapangan ka lang pala. idol mo yata si sean kingston talaga–suicide ang ginawa mo. shet ka! tama ba yung magpanggap ka na ok lang yun sa iyo? ang kapal ng apog ng mukha mo at nakayanan mo yun. sabi ko sa iyo, hindi kakayanin ng ordinaryong tao yan. iba ka talaga. sa katunayan, nangyari na ito. pamilyar nga yung sitwasyon diba? di ka lang talaga nadala. naaalala mo noon? ganitong ganito rin. ipinapakita lang nitong karanasan na ito na talagang di natututo ang puso. hindi namimili ng kasalanan na gagawin.

simple lang: walang may gusto sa iyo. ganun nga talaga ang batas ng mundo ‘ang taong gusto mo walang gusto sa iyo’. alam ko ganun ang iniisip mo diba? nakakaawa ka.

ano nga pala yung pakiramdam na nagiisa? joke lang. hindi ka na ba pwedeng biruin, ha?

balita ko mugto na ang iyong mga mata dahil sa palaging basa ng luha ang iyong mga unan. hindi ka makatulog sa gabi sa kakaisip kung ano ba talaga ang totoong dahilan at walang may gusto sa iyo. natutulala ka sa kawalan at tuwing may bakante kang oras iniisip mo pa rin kung ano ang pwede at hindi pwedeng mangyari sa inyong dalawa. mahirap ang bawat paghinga dahil parang kinukurot ng makailang ulit ang puso mo. hindi mo alam ang klase ng ngiti na gagamitin mo para mairaos ang buong araw. pakiramdam mo walang nagmamahal sa iyo–na nagiisa ka lang. nakakaawa ka lang tignan dahil hinahawakan mo ang sarili mong kamay para lang malaman mo kung gaano ka kalungkot.

umayos ka nga. wala na siya, wala na ang kaisaisahang tao na dahilan na nakakaramdam ka. magsasawa rin ang puso mo sa sakit na nararamdaman nito at kapag nangyari yun muling gagana ang kokote mo. asteg diba? hindi totoo na may darating para palitan siya, sus. ulol ang nagsabi nun. walang makakapalit sa kanya. walang makasasapat–iyon ang mga tamang salita na maaaring makapagpaliwanag dito. oo naman, minahal, mahal at alam ko na mamahalin mo pa rin siya habang tumatagal. kahit kailan hindi rin nababawasan ang pagmamahal. alam mo ba yung paniniwala nating dalawa na hindi naman talaga nawawala ang pagibig para sa isang tao? di naman talaga unfair ang mundo dahil ganun din para sa iyo. ang mangyayari, makakakita ka lang ng higit pa sa kanya.

hindi naman sa kumakampi ako pero, mas bagay talaga sila. olats ka dun. mas makakabuti na huwag ka na lang magsalita dahil magmumukha ka lang ewan. alam mo kung ano yung dapat sa iyo? akshuli di ko rin alam. buset. hayaan mo na lang siguro. huwag mo ng ikumpara ang sarili mo doon sa taong gusto niya dahil obyusli, wala kang binatbat dun.

ang tanging paraan para maghilom ang iyong puso ay ang patayin ang taong naging sanhi nito. nakakatawa diba? pilitin mong matawa, tae ka. ayan ang sinasabi mo kapag gusto mo pagaangin ang pasanin ng taong pinapayuhan mo, pero bakit parang ikaw yung unti unting namamatay?

arte mo, huwag ka ngang emo. ayaw kong sabihin na naiintindihan kita at alam ko ang pinagdadaanan mo dahil magmumukha lang akong ungas at pinatulan ko ang kabaliwan mo. hanggang kelan ka ba magkakaganyan? alam ko naman na hindi ka nagtatanim ng galit sa puso, tama yun. sabi mo nga kapag nagkimkim ka ng hinanakit, mawawala ang posibilidad na mapupunan natin iyon ng panibagong pagibig. hindi ito ang katapusan ninyong dalawa, parte lang ito ng kwentong buhay niyo. parte ang panandaliang paghihiwalay ng napakagandang kwento ng buhay niyo. hindi kita pinipilit na magmadali at magpanggap na maging maayos ang lahat–katarantaduhan iyon. mahirap lokohin ang sarili. diyosa ka lang, hindi ka si wolverine na may kakayahang maghilom ng mga sugat ng pakikipaglaban. kikay ka eh, ikaw si storm. aantayin kitang maghilom sa takdang panahon gamit ang tamang paraan na alam mo.

walang ibang taong makakatulong sa iyo kung hindi ang sarili mo lang din. sana mapakinggan mong muli ikaw at kapag nangyari iyon, makakakita ka ng isang tao na magsisilbing hulmahan ng bagong puso mo. makakahanap ka rin ng taong magmamahal sa iyo ng higit pa sa pagmamahal mo para sa kanya. paramis, darating ang araw na pagtatawanan natin ang kabobohan mong ito. hindi na nga ako makapaghintay na mangyari iyon. mabilis lang yan. iyon ang isang matibay na pruweba na muli ka ng makapagmamahal.

yun lang muna sa ngayon. shet ka, ang sakit ng puson ko. gege. paalamness.

mas bakla sa iyo,
xienahgirl



34 Comments»

    FerBert
    Friday at 12:58 pm

    haha.. sinulatan mo sarili mo.. parang yung mga kaklase ko nung highschool na nagpapadala sila ng rose para sa sarili nila upang sabihin lang na may nagkakagusto sa kanila.. olats yun! dapat magising sila sa katotohanan at wag mag ilusyon tulad ng ginawa mo mabuti nga’t gising ka na at tanggap mo na ang mga bagay bagay.. tong madramang yugtong ito ng buhay mo eh patatawanan na lang naten sa inuman…

    mabuhay ka xienah!
    para sa puso mo muling iibig!
    at para sa taong magpapahalaga sayo’t iibigin ka ng lubos!
    kampay!

    hindi ko pa nasubukan yan. gusto ko pero parang nahihiya ako. mahirap lokohin ang sarili. hahaha. oo, maghahanap ulit tayo ng lablayps. madami yan diyan. hahaha

    [reply to this comment]



    Pedro
    Friday at 1:02 pm

    oo na. bakla na ako. oo na emo na ako. natisod lang ako. nagkamali. babangon ako pangako. at paramis, matututo na ko sa mga kamaliang nagawa ko.

    naapreciate ko ang mga payo mo. tats naman ako at talagang ginawan mo pa ng entry ang ka-engotang nagawa ko. hindi ko kasalanang ayaw niya sakin. nagmahal lang ako. pota, tao lang. umiibig, nabibigo, nasasaktan, nakakarekober, at iibig muli.

    sos! ayoko ng umiyak, mugto na ang mga mata ko. sawa na kong lumuha. dehydrated na ang katawan ko, epekto ng pagmumukmok ko ng ilang araw. paramis, tutulungan ko ang sarili ko. makakaget ober din ako. babaunin ko na lang ang mga matatamis at mala-keso naming alaala. salamat uli sa mga payo mo, sa mga payo niyo.

    bwahahahaha. Pft. emo! xet! isa lang ang masasabi ko.

    WATEBER!

    oo na. payo mo yan sa sarili mo nagets na kita. nabasa ko na yung komento mo alam ko na kung ano yung gusto mo maiparating. kasi naman sa susunod gagamit ka ng tinatawag na point of view. ok? hahaha. kompyus ka ang dami mong selves

    [reply to this comment]



    mia
    Friday at 1:08 pm

    maraming nagmamahal sayo xienahgirl :)

    natitibo ka na naman. hahaha

    [reply to this comment]



    beero
    Friday at 2:36 pm

    buti naman nagising ka na sa katotohanang di sya ang nakatadhana para sayo. ngayon mas mabubuhos mo na atensyon mo sa kin. hahaha

    cheer up, girl! look around you. mas maraming nagmamahal sayo. uhummm

    hindi ko sinasabi na hindi siya ang nakatadhana para sa akin. parte lang ito ng istorya namin. parte ng kwento ang paghihiwalay pero hindi yun natatapos doon. hahaha. ikaw? atensiyon para sa iyo? hahaha. natatawa ako. hahaha.

    [reply to this comment]



    yeye
    Friday at 2:52 pm

    wag kang magalala. pagsubok lang yan lukring. shet. helfff

    hindi ko isusuko ang laban. hahaha. hellfff lord, hellfff.

    [reply to this comment]



    gasti
    Friday at 3:10 pm

    ito talaga ang oldskul style ng pagsusulat..mala-diary…ginagawa ko rin yan minsan para gumaan pakiramdam ko eh!

    kung kelangan mo ng kausap..andito lang ako. kung kainuman naman ang hanap mo andyan naman sila…pero wag ka ng iiyak lolobo ang eyebags mo sige ka.

    p.s. hindi ko sinasadyang saktan ka sa last entry ko..di ko alam eh psensya.

    mas makabubuti na lahat tayo kausapin ang sarili. alam ko naman na andiyan ka lang yung sa inom na parte talaga ipaubaya na lang natin sa kanila. hahaha. e ako naman pareho ang kailangan ko. hahaha. iiyak pa rin ako. kahit kailan hindi naging ebidensiya ng kahinaan ang pagiyak. natamaan lang ako dun sa entry mo. hindi ka kailangan humingi ng tawad dahil yun ang silbi natin sa blogging–ang kilalanin ang sarili sa pamamagitan ng iba. kung hihingi tayo ng tawad sa lahat ng maiimpluwensiyahan natin, ano na ang totoong kahulugan ng blogging kung gayon?

    [reply to this comment]



    loudcloud
    Friday at 7:31 pm

    whoa! super galeng nito! one of the (if not THE) best, poignant stuff I’ve read in recent weeks!

    mukhang heavy tayo ngayon ah. i was tempted to say ‘lighten up’ but di ko alam anong degree ng emotional turmoil ka ngayon so i’d bite my tongue.

    if it is of any comfort, then id say no one is really exempted from bruises. everyone has a fair share of it. “roll on with the punches”, sabi nga sa movie. “today is just another day.”

    nagtatagalog ka na ngayon? hahaha. namiss ko yung salitang poignant ah? hahaha. paanong di bibigat yung pakiramdam ko e di ka naman nagpapakita sa akin sa ym. sus. di tuloy ako makapagkwento sa iyo. henakoh. wala naman talagang pinipiling gaguhin ang tadhana. lakas mangtrip nun e. magpakita ka kasi sa ym. tago ng tago. sus.

    [reply to this comment]



    enday
    Friday at 7:41 pm

    sulat para sa sarili?.. hehe

    di ka nag iisa sa pagiging tanga pagdating dyan XG.
    biktima na din ako ng sariling katangahan at maling akala..

    tsk tsk.. nakakabadtrip talaga yung feeling na yun.

    hirap kasing mag expect..hai..

    kaya mo yan XG!!

    Gowh!!!

    lahat naman yata ng tao may unrequited love–yung mahal mo di ka mahal. batas yan ng mundo. hayaan mo kaya natin ito. makakabangon din tayo.

    [reply to this comment]



    Noime
    Friday at 7:52 pm

    Dadating din yung deserving para sayo. Andito kami poryu. Hindi man sapat yung labb namin eh pagtyagaan mo na muna hanggang sa dumating yung deserving-por-yor-labb. ;) <3

    hayaan mo, sisiguraduhin ko na ako ang nararapat para sa taong yun. hindi tayo dapat ganun. yung aantayin ang nararapat para sa atin, dapat tayo yung gumawa ng paraan para maging karapatdapat tayo sa iba. nararamdaman ko naman na andiyan kayo at nagpapasalamat ako. mahal ko kayong lahat at alam niyo yun.

    [reply to this comment]



    ayyzzz
    Friday at 9:00 pm

    naiiyak ako.
    totoo.pramiss..
    nakakarelate lang sayo…

    “talagang di natututo ang puso. hindi namimili ng kasalanan na gagawin.”

    hayyy..oo nga!

    demit! hahaha :D

    marami na akong mga blogger na napaiyak sa pamamagitan ng mga sinusulat ko, kabilang ka na doon. hindi natututo ang puso, hindi namimili ng kasalanan dahil hindi niya alam ang magdahilan at gumagawa na lang siya ng padalos dalos.

    [reply to this comment]



    abou
    Friday at 9:11 pm

    dont forget to send the letter, baka di makarating, he he

    hindi man niya maipadala yan nakasisiguro tayong lahat na nakaukit yan sa kanyang gunita.

    [reply to this comment]



    Tisay
    Friday at 9:34 pm

    aww. feeling super close ako eh, kaya eto bearhuuug! :) ahihihi!

    ayus lang yan, kapag dumating na yung right guy for you, he’ll be ten billion times better. ten billion times better!

    smile. =)

    have a sexy day.

    miss tisay close na tayo. sus. lahat ng andito sa blog ko kaclose ko. yung mga di nagpaparamdam close ko na rin yang mga yan. ayaw lang umamin. hahaha. wow. sana maikombert natin ang ten billion na yan sa paypal. sayang naman kasi. hahaha. pera na lang wag na lalake.

    [reply to this comment]



    lunes
    Friday at 11:48 pm

    mare, ika’y maaaring ihalintulad sa isang atay, kaya mo maghilom ng mag-isa.kelangan lang ng pahinga. lilipas rin ang lahat at darating ang dapat darating sa tamang panahon.

    Reality bites,pero ano pa bang mas sasarap kung alam mo na maraming sumasalo saiyo. Sa oras na ilalaglag ka ng isa.

    mas gugustuhin ko na lang yata ang maging pamosong tonsils. bihira lang ang nakakaalam ng totoong kahalagahan ng parteng iyon. kahit minsan sumasakit na hinahayaan pa rin natin. nagustuhan ko yung sinabi mo na maraming sasalo sa akin oras na ilaglag ako ng isa. salamat mare.

    [reply to this comment]



    igno
    Saturday at 1:31 am

    Para sakin ba ito bebeh? T.y. sa lessons pero matigas lang talaga ang ulo ko. Taena, pero masakit.

    bebeh wag kang selfish. para sa lahat ang entry na ito. kailangan kasi kilala mo ang sarili mo para makausap mo siya ng matino. kaya ka nawala dahil ba sa masalimuot na problemang pagibig? tsk tsk. matututunan din nating namnamin ang bawat kirot.

    [reply to this comment]



    Maldito
    Saturday at 5:27 am

    indi ko alam kung nagpapatawa ka o ano soulmate…pero nararamdaman ko na masakit ngang magmahal sa taong alam mong indi mapapasayo….pero iba talaga ang mga jokers mag drama…nakakatagos sa puson.

    ako soulmate?bahala na maging kabit..ganun ako ka gago basta sa pag ibig….

    bahala na ang kabit…basta may siklayf…o d ba?

    charus.

    ang totoo hindi ko rin alam ang dapat kong maramdaman ngayon–kung dapat ba ako magpatawa. sabi ko naman kasi sa lahat hindi ito humor blog, emo blog ito. teka. parang pinariringgan mo ba ako? gusto mo ba akong maging kabit mo? hahahha

    [reply to this comment]



    mnel
    Saturday at 6:48 pm

    para akong nagbasa ng mga sinaunang entries ko ah.

    that’s why it’s called falling in love - it’s supposed to hurt in one way or another, at one time or the other.

    para sa akin, mas masarap ang makaramdam na nasasaktan ka dahil yun lang ang tanging paraan para malaman mong tao ka pala. mahirap kapag wala ka nang naramdaman dahil manhid ka na. tandaan: hindi nagreregenerate ang mga neurons.
    kaya habang okay pa sila, gamitin ng gamitin. masaktan na kung masasaktan
    =D

    naniniwala naman ako that there’s a rainbow after the rain (wag kang kumanta)… at katulad ng nasabi ko noon sa namayapa kong blog, if you’re even luckier, you might get even the pot of gold at the end of that rainbow too. =D

    kaya xienah, tayo na, lakad na and let’s go look for that rainbow. samahan kita. ;-)

    sinaunang entries mo? oh wow. hahaha. oo nga. nasaktan na ako nung malaglag ako e wala ba namang sumalo? hahaha. tae yun. e di naman kasi ako tulad mo doc, oo masokista ako pero matalino ako. gusto ko rin minsan kasi sadista ako e. hahaha. e sa lahat naman ng rainbow na nakita ko laging pusali ang dulo. ayaw ko ng rainbows. hindi ako panatiko ng rainbows. hahaha. dun sa pot of gold baka pwede pa.

    [reply to this comment]



    Ayiene
    Saturday at 8:19 pm

    ito ba yung umiiyak ka, di mo mapigilan… namamaga ang mata? tsk, sabi ko sa iyo ate x, bumaligtad ka para matigil ang pagpatak ng luha.

    di bale, dadating ang tama, yung di ka sasaktan, di ka paiiyakin. marami pang magkakandarapa sa isang dyosa. remember that.

    oo ito nga. kahit na magheadstand ako, mapupunta lang yung dugo sa ulo ko lalo lang ako maiiyak. hahaha. madami ba ang nagkakandarapa? hindi ko sila maramdaman. nasan na silaaaaa. hahaha

    [reply to this comment]



    churvah
    Sunday at 6:41 pm

    naku..
    keri mo yan.

    u weren’t called dyosa for nothing.
    may nakalaan para sa iyo.
    bka na traffic lang.

    hehe.

    ok lang kahit wag na muna siya dumating, busy pa ako e. hahaha

    [reply to this comment]



    beero
    Sunday at 8:10 pm

    at bat ka naman natatawa? haha. oo nga pala joke nga pala yun. tatawa na din ako. hahaha

    edi kung ayaw mo na tumawa ako edi iyak na lang huhuhuhuhu.

    [reply to this comment]



    popoy
    Monday at 9:32 am

    xG. ayos ang sulat mo sa sarili mo. at nadurgo mo na ang buhay pagibig mo sa mga sinabi mo.

    mahirap talagang lutasin ang problemang pag-ibig. alam ko kasi alam ko?! :)

    ang sakit. kasi masakit. at kapag masakit, masakit talaga, ouch :(

    nadurgo? ano yun? hindi nalulutas ang problemang pagibig, natututunan lang natin siya tiisin. hahaha.

    [reply to this comment]



    gasti
    Monday at 10:00 am

    may point nga yang sinabi mo pero ayoko lang dagdagan pa sama ng loob mo..at alam mo naman sigurong kahit kelan hindi ko sasadyain yun. hindi mo pa alam? basta ganun yun.

    ano ka ba? hindi mo kasalanan yun. hahaha. wag mo na seryosohin. sus. nagbibiro lang naman ako nun. natamaan ka naman agad. hahaha

    [reply to this comment]



    jhaynee
    Monday at 2:17 pm

    nakakamiss to the max ang magbasa ng mga blogs mo.. hehehe.. buti na lang at im back to life ulit..

    ako, sawa nang mag-analyze ng mga bagay tungkol sa love..

    naghihintay na lang ako ngayon..

    tapos di na ako nag-iisip basta’s happy ako..

    buhay gaga..

    hehehe.. at least masaya at exciting..

    bwahahah!!!

    enjoy lang tayo!!

    mwah!

    bagong blog ka na rin miss jhaynee sa wordpress ka na? minsan hindi talaga kailangan ianalyze ang love. walang batas ang puso. hinahayaan mo na lang ang sarili mo na makadama. hindi tayo dapat naghihintay–naghahanap din tayo dapat. hahaha. oo, kailangan lang natin maging masaya, maging blessing para sa iba. oo tama. enjoy lang sa buhay. gege.

    [reply to this comment]



    dansoy
    Monday at 8:48 pm

    haha. hindi atah un kabaklaan kundi ka itchusan.! Catch me i’m falling for you

    oo. oo na lang tayong lahat. hahaha

    [reply to this comment]



    mr_d
    Monday at 10:08 pm

    eto ba yung sinasabi mo sa chowking? hindi nga sineryoso mo yon? walang kwentang koment. wag ka na magreact.

    seryosong tao naman ako ah? oo ito nga yung kinuwento ko sa chowking at bakit di ako magrereak? ikaw yan e. hahaha. lahat ng nagkokomento sa akin nirereakan ko. wow. hahaha. wag ka na magselos ikaw lang naman ang labs ko e. ikeee. leche. hahahaha

    [reply to this comment]



    procopia marie
    Tuesday at 3:41 pm

    galing! di ka dapat number 2. number 1 ka dapat dun sa paligsahan.

    tagos na tagos itong post mo. kaya lang masakit, masakit sa mata sa mga katulad kong nauubusan na ng petsa sa kalendaryo.

    akala mo lang hindi. pero oo, oo — nababawasan din ang pagmamahal. pasasaan pa at makakalimutan mo rin yung lowlife-sonabitch-imbecile-godknowswhatelse na yun. teka, ano nga ba ginawa nya sau?

    idol na rin kita.

    salamat pa rin sa pagboto miss procopia. as in super thanks. sabi nga nila masyadong openhearted daw itong entry na ito. hindi ko alam kung ano yung openhearted, umoo na lang ako. hahaha. naniniwala ako na lahat tayo may kanya kanyang opinyon at sa palagay ko yan ang maibabahagi mo sa amin. natutuwa lang ako dahil sa sinabi mo. teka. teka. hahaha. hinay hinay miss procopia marie kasi blogger din yung lowlife-sonabitch-imbecile-godknowswhatelse na sinasabi mo at malamang nababasa niya ito. hahaha. maraming salamat ulit.

    [reply to this comment]



    coldman
    Wednesday at 1:30 pm

    basta kung kwentong love life?

    ewan….

    pwede bang sex life na lang ang pag usapan?

    dyuk lang. =)

    Smile- God loves you!

    ekung sex life di ako makakarelate. hahaha. hahayaan ko na lang siguro yun sa blog mo.

    [reply to this comment]



    abigail
    Thursday at 9:09 am

    isang praan pra madaling maka-move on ay ang tanggapin sa sarili mo na naging bobo ka pra lng sa taong un. mahirap un pro nagawa mo un xG :) . at naishare pa sa amin hehe.

    ok rin na naisulat mo pakiramdam mo kc pagdating ng araw, pg mababasa mo ang entry na ito ay matatawa ka na lng sa lahat ng sinulat mo. at marerealize mo that u have move on (waah seryoso, nakarelate kc ata).

    mahirap tanggapin na naging tanga ako pero ginawa ko. kailangan e. dapat. aktuwali hindi ko na kailangan hintayin ang pagdating ng araw dahil matapos ko basahin ito natawa agad ako sa kung gaano nga talaga ako kaboba. hahaha.

    [reply to this comment]



    b@kekang
    Thursday at 1:43 pm

    hmmn..wak n u emote xota lng yan eh hakhakhak! ilang taon u n ba?..alm u gusto q ng mgkaate hahahaha!!

    naku. wala nga akong boyps. neber bin tats neber bin kis pa ako. hahaha. 21 pa lang ako. teka. gwapo ba yang kuya mo? patingin nga ng picture. hahahaha

    [reply to this comment]



    lunes
    Thursday at 2:02 pm

    vote na ung mga hindi pa nagvovote.weehehe..

    makiraan uli dito..

    oo tama yan. bumoto na yung hindi pa nakakaboto sa pakontes ni badudels

    [reply to this comment]



    repah
    Thursday at 5:40 pm

    aba dear xienah.. i dir friend mo na yan… hahaha

    no way. never ako naging fan ni jolina at marvin. hahaha.

    [reply to this comment]



    M
    Friday at 10:49 am

    Hi dyosabeh, kamusta ka na? Tapos ka nang magdamdam? Buti naman, kaya nga ngayon ako nagkomento para kahit papaano masaya ka na. Oh diba? Tawanan na lang ang mga bagay na to. Wala namang namatay eh! Ay meron pala, ang damdaming masidhing naghahangad ng init ng pagmamahal.

    O siya siya, move on na.

    ay ganun? may tayming ka pala bebeh ano? hahahah. kahit kailan hindi ako nagdamdam. ayaw ko yung pakiramdam na nagdadamdam. akshuli natatawa na lang talaga ako kasi kapag tinatanong ni manding nawawalan na ako ng isasagot. hahahaha. tatawa na lang ako.

    [reply to this comment]



    b@kekang
    Wednesday at 2:34 am

    uu gwapo xa(kuya q eh)..35 yrs.old n xa pero mukha xa 25 (grabe ang build up) heheh..w8 pagagawain q xa ng fs hahaha!!

    kuya sabi ko hindi tatay. hahaha. 35? sobrang tanda niya na para sa akin. wala ka bang pinsan na mas bata? hahaha

    [reply to this comment]



    b@kekang
    Wednesday at 1:43 pm

    ei xa n lng ang natitira sa magandang lahi namin(kidlat)..anu po fs u hehehe!!!

    [reply to this comment]



    sairi
    Thursday at 1:23 pm

    wahhh parehong pareho tayo ng pinag dadaanan ngayon… :(
    sana ay malampasan natin ito.. :)

    actually nalampasan ko na siya. hahaha. you to think that youll survive it. i wish you well in life.

    [reply to this comment]



Leave a comment